كيفاش تولي عندك شخصية قوية خاصك تعرفي أولا بلي الشخصية القوية ماشي هي أنك تولي متسلطة و كتحكمي فالناس...او تفرضي رأيك عليهم و تكبري عليهم...لا بلعكس الشخصية القوية كتكون محبوبة و كلشي كيحتارمها لانها مثال يقتدى به ملي عرفنا مفهوم الشخصية القوية دابا غاندوزوا كيفاش نبنيو هاد الشخصية :
- بعدي من العلاقات السامة : بمعنى متخليش الناس لي غير كيحطموك و اضحكوا عليك فحياتك...درسي بنادم قبل متصادقيه متخليش اي واحد ادخل حياتك باش تجنبي الاصدقاء الوهميين لي كيأثروا على حياتك بالسلب
- حاولي تلفتي الانتباه ليك : كوني شخصية جذابة خلي الناس المحيطة بيك تحسدك على شخصيتك هنا غاتخلي المجتمع اتمنى تكون وحدة بحالك فحياتهم
- ثقفي راسك : قراي كتب ثقافية تفرجي ففيديوهات كتعاود على العلم و التاريخ باش ملي تجي دوي معا الناس تلقاي دماغك عااامر ببزااف المعلومات و غاتخليهم احتارموك و اقدروك حيت غاتكوني فهاد اللحضة حسن منهم
- سمعي كثر ما تهضري : كلما تصنتي للاخرين اصبحت مخيفة بالنسبة اليهم
- كوني عاقلة : متاخديش القرارات ديالك بعشوائية لا...خودي وقتك فالتفكير تاواحد مامزربك باش ماتقريرش شي حاجة لي تندمي عليها مستقبلا و خليك مستقلة فإتاخد القرارات لي كتخص حياتك لانك نتي غاتعرفي شنو هو الانسب
- بعدي على النقاشات التافهة : الهدرة الخاوية و التجمعات لي مغاتستافدي منها والوا بعدي منها خليك غامضة و اسرارك ابقاو عندك و خلي هدرتك موزونة
- كوني شجاعة : متخلي تا عقبة توقف قدام احلامك و طموحاتك تعلمي كيفاش تحكمي فمشاعرك و تغلبي على مخاوفك
- تخلاي على الخجل : ملي دوي معا شي واحد شوفي ليه فعينيه متخافي ما توتري را هو انسان بحالك بحالوا ( مكتشوفيش فعينين الراجل مكتعنيش انك ضعيفة بل هذاك حياء منك )...تغلبي على الحشمة لانك قوية
تعليقات
إرسال تعليق